Ttiimu y'eggwanga ey'omupiira ogw'ebigere eyabazannyi abatasussa myaka 17 egy'obukulu eya Uganda Cubs, eyiseewo okukiika mu mpaka za Africa Cup of Nations U17 ez'omwaka ogujja 2027 oluvanyuma lw'okwesogga fayinolo y'empaka ez'okusunsulamu eza Cecafa eziyindira e Rwanda. 

Uganda Cubs okuyitawo ekubye Ethiopia ku mutendera gwa semifinal goolo 4-0 bwetyo ne yesogga fayinolo.

Mu ngeri yeemu Uganda Cubs ekakasiddwa okukiikirira ekitundu kya CECAFA mu mpaka ez'omwaka ogujja 2027.


Goolo eziwadde Uganda Cubs obuwanguzi ziteebeddwa Jjemba Ukasha, Anorld Kayemba ne Yusuf Ssenyonga atebyeko goolo 2.

Kati Uganda Cubs egenda kuvuganya mu mpaka za U17 Africa Cup of Nations omulundi gwayo ogw'okubiri ogw'omuddiringanwa. 

Fayinolo ya Cecafa U17 Africa Cup of Nations Qualifiers eyindira e Rwanda, Uganda Cubs egenda kuzannya ne Somalia ku bbalaza nga 19.October,2026.

Bisakiddwa: Isah Kimbugwe