Club ya Villa Jogo Ssalongo eraze amaanyi mu liigi ya babinywera eya Uganda Premier League, bwerumbye club ya Police FC omwayo e Kamwokya n'egikubirayo goolo 6-1. 

Mu mupiira ogubaddeko n'obugombe guyambye club ya Villa Jogo Ssalongo okulinnya ku ntiko ya liigi eno n'obubonero 14 okuva mu mipiira 6.

Goolo eziwadde Villa Jogo Ssalongo obuwanguzi ziteebeddwa Frank Ssebuufu  ateebyeko goolo 2, Ibrahim Kasinde, John Assimwe, Patrick Jonah Kakande ne Jonathan Sausa bonna batebyeko goolo 1.

Omupiira guno Villa Jogo Ssalongo egwefuze n'ebitindu 58 % ate Police FC ebitundu 48%.

Villa Jogo Ssalongo ekubye ebizungirizi ku goolo ya Police 11 nga 6 bye bibadde mu mimwa gya goolo, ate Police ekubye ebizungirizi ku goolo ya Villa Jogo Ssalongo 6 nga 5 bye bibadde mu mimwa gya goolo. 

Omupiira omulala oguzanyiddwa mu Uganda Premier League, club ya NEC erumbye Kigezi Homeboys omwayo n'egikubirayo goolo 2-0 bwetyo NEC ne yesogga ekifo eky'okubiri n'obubonero nayo  14.

Goolo eziwadde NEC obuwanguzi ziteebeddwa Allan Mugalu ne Marvin Oshaba.

Bisakiddwa: Isah Kimbugwe