Ssetendekero w'Obwakabaka owa Muteesa The First Royal University atandise namaanyi mu mpaka z'amatendekero agawaggulu ez'omupiira ogw'ebigere eza Pepsi University Football League,  bwekubye Bugema University goolo 3-0 mu kisaawe e Nakivubo. 

Omupiira guno gwe guguddewo season empya eya  Pepsi University Football League season ya 2026/27, era Muteesa The First Royal University erwana okweddiza ekikopo kino kye yawangula season ewedde. 

Mu mupiira ogubaddeko n'obugombe goolo eziwadde Muteesa The First Royal University obuwanguzi ziteebeddwa Shabir Lubega, Erick Katende ne Sam Mutambo.

Muteesa One erina omutendesi omugya Tonny Mawejje. 

Akulira abayizi ku Muteesa The First Royal University, Paddy Kiganda, akinogaanyizza nti kano kabonero akalaga nti ekikopo kino bagaala okuddamu okukyeddiza.

Bisakiddwa: Isah Kimbugwe