Olukiiko lwa baminister olukibirizibwa president Museveni lusuubirwa okutuula ,
okusalawo ekyenkomeredde ku ky’okutondawo district empya n’ebifo by’ababaka ba parliament ebirala.

 

Minister wa government ez’ebitundu Raphael Magyezi agambye nti okuva president lweyalangirira  nti district e Tororo yaakukutulibwamu district endala, waliwo abakulembeze okuli ababaka ba parliament abamuli obubi nga baagala n’ebitundu byabwe bikutulibwemu kisobozese okutondawo district endala n’ebifo by’ababaka.

 

Okunsinziira ku nteekateeka ezayitwamu okutondawo ebibuga 10 mu parliament ey’ekkumi, mu kisanja kino ebibuga ebirala 5 okuli Nakasongola, Entebe, Wakiso, Moroto ne Kabale nabyo byali birina okuteekebwa mu nkola ekitakolebwanga, nti olw’obutabaawo kwa nsimbi zimala.

 

Yaddenga ebibuga ekkumi byo byatandikibwawo, bino bikyakongojja munzirukanya y’emirimu
olwobutaweebwa nsimbi zegasa.

Minister wa government ez’ebitundu Raphael Magyezi agamba nti wadde district ye Tororo
yasaliddwamu, tekitegeezanti olujji lwaguddwawo ku by’okutondawo district n’ebifo by’ababaka mu bitundu ebirala mukiseera kino.

 

Wabula Magyezi agamba nti wadde ababaka bazze bamutuukirira nga baagala district ne constituency zaabwe zisalibwemu, Olukiiko lwa baminster olukibirizibwa President lusuubirwa okutuulaokusalawo ekyenkomeredde ku ky’okutondawo district empya n’ebifo byababaka ebirala.Mu ngeri yeemu President Yoweri Kaguta Museveni era ssentebe wa NRM , waakusisinkana ababaka banna NRM okwegeyaamu mu nsonga ez’enjawulo.

 

Omubaka omukyala owa Pader Pasca Achiro Menya nga yoomu kubagenda okwetaba mu nsisinkano eno, agamba nti baagala okumumatizza President akkirize district zaabwe nazo zisalibwemu.#