Club ya Vipers FC egucangira mu liigi ya babinywera eya Uganda Premier League, erangiridde John Luyinda Ayala ng'omutendesi omuggya owa club eno, azze mu bigere bya munnansi wa Bufalansa Dennis Lavagne eyafuumuddwa ku mulimu guno.
John Luyinda Ayala  yabadde omumyuka wa Dennis Lavagne.
John Luyinda Ayala  ng'ali ne mutendesi ne munne Fred Muhumuza, bayambako Vipers okuwangula liigi ne Uganda Cup mu  season ya 2024/25, 
Mu 2016 Luyinda lwe yasooka okwegatta ku Vipers ng'omumyuka w'omutendesi Abdallah Mubiru, olwo mu 2024 yakomawo mu Vipers nga omumyuka wa munnansi wa Serbia Nikola Kavazovic.

John Luyinda Ayala yaliko omutendesi mu club ya Wakiso Giants, KCCA ne Police FC. 

Bisakiddwa: Isah Kimbugwe