Ssetendekero wa Buganda owa Muteesa I Royal University, mu butongole alangiridde eyaliko omuzannyi wa ttiimu y’eggwanga ey’omupiira ogw’ebigere eya Uganda Cranes, Tonny Mawejje, nga omutendesi owa ttiimu yaayo ey’omupiira ogw'ebigere eya The Royal Lions.

Tonny Mawejje ayanjuliddwa abayizi ba Muteesa I Royal University ku ssetendekero ono e Kirumba Masaka.


omumyukwa wa ssenkulu Prof Umar Kasule yakoze omukolo guno, ku mupiira ogw’omukwano Muteesa I mwekubidde ttiimu ya Kasanje FC eya Regional League goolo 2-0.

Paddy Kiganda akulira abayizi ku Muteesa I Royal University, akinogaanyizza nti Tonny Mawejje bamulinamu esuubi okusitula ssetendekero ono okumutwala ku ddaala eriddako.


Tonny Mawejje bamuwadde endagaano ya myaka 2, era agenda kumyukibwa Sibo Peter ne Vincent Kayizzi.

Tonny Mawejje egenda kutandika n’okuteekateeka Muteesa I Royal University okuvuganya mu mpaka za University Football League season eno, n’okwetegekera empaka za University eza East Africa.


Muteesa I Royal University be bannantameggwa ba University Football League season ewedde 2025/2026.

Tonny Mawejje ku mulimu guno azze MU bigere mu bya Ssengabi George William eyafuumulwa gye buvuddeko.


Bisakiddwa: Isah Kimbugwe