Ababaka ba parliament ya Uganda batabukidde  government olwokulwawo okutuukirizanga  ebisuubizo byayo  ku buweereza obwenjawulo, saako n'ebikolebwa eri abantu kinnoomu nebatuuka n’okufa nga tewali kikoleddwa.

Omubaka wa Otuke East County   Achon Julius  abuulidde parliament  nti government eriko bingi byezze esuubiza bannayuganda  okubakolera mu bitundu ebitali bimu, wabula nti bakanze kulinda nga buteerere .

Akon  anokoddeyo ekya government eyasuubiza okumaliriza ennyumba ye yaliko Sipiika Jocob Olanya eyafa  mu mwezi ogwokusatu mu 2022   , nti okuva lweyeyama mpaawo kyali kikoleddwako.

 Minister omubeezi ow'a bakozi ba government  Lydia Wanyoto Mutende ategezezza parliament nti mu bbanga lya wiiki bbiri wakutwalira parliament okwanukula kwa government ku byezze esuubiza bannansi.

 


 Wabula okwanukula kwa Minister Wanyoto kutabudde Solomon  Silwanyi  Omubaka wa Bukooli County Central bwategezeezza nti  parliament guno mulundi gwakuna ng'etegeezebwa ku ky'okumalirira ennyumba ye yali sipiika Omugenzi Jacob Oulanya wabula, n'okutuusa kati tewali kyali kikoleddwa.


Sipiika wa parliament  aliko  Jacob Oboth-Oboth  asabye abakwatibwako okutwala ensonga eno  nga nkulu, okusiima Oulanya, saako nebirala ebizze bisuubizibwa abantu abalala bituukirizibwe.


Bisakiddwa: Ssebuliba Julius