Obutimba, amalobo n'amaato ebibalirwaamu obukadde bwa shs 700 biteekeddwa omuliro nebisaanawo, mu kikwekweto ekikoleddwa mu kulwanyisa envuba embi ku nnyanja Nalubaale mu district ye Mayuge.

Babyokedde  ku mwalo gwe Bugoto, naye ng'abalwanyisa envuba embi babiboyedde ku myalo okuli gwe Bugoto, Misooli ne Makoma mu district ye Mayuge.


Akulira ekitongole ekya Fish protection Unit e Mayuge ne Jinja Lt. Ndifuna Lueben agambye nti ekigendelerwa mu kawefube ono kwekutereeza eby'envuba mu ggwanga.

Okulira eby'envuba e Mayuge Olwita Sadam agambye nti abavubi bafiiriddwa emaali yaabwe mu kikwekweto kino,  naasaba government ebafunire ku bikozesebwa ebikkirizibwa mu mateeka nga biri ku bbeyi esoboka.

Bisakiddwa: Kirabira Fred