Police y'ebidduka ekakasizza nti abanu 3 bafiiridde mu kabenje akagudde ku town ye Kabwohe mu district ye
Sheema mukiro ekikeesezza leero nga 07 October,2026, ate abalala 2 bakoseddwa nebaddusibwa mu ddwaliro lya Kabwohe HC IV.

Omwogezi wa police y'ebidduka mu ggwanga Micheal Kananura agamba nti emmotoka lukululana enetossi y'ebyamaguzi nga yabadde  eva Bushenyi ng'edda e Mabarara, yalemeredde omugoba waayo e Kabwohe kwekusaabala abantu 2, olwo neyiingirira n'emmotoka endala 7 ezaabadde zisiimbye ku mabbali g'ekkubo.

Abafudde 3 kuliko ne ddereeva wa lukululana No.AU 234DK .

Police egamba nti kawefube akolebwa okuggyayo ekimotoka kino nga bakozesa ebimotoka biwetiiye n'okukakasa oba wansi wekyagudde tewali bantu balala bekigwiridde.

Emmotoka endala zesaabadde kuliko UAP 900L Range Rover, UAV 834R Raum, UBN 195Y Wish, UA601DG Sienta, UA 538 EG Sienta, UFA 859M UG boss, ne UAZ 141M Premio.

Kananura asabye abantu naddala abagoba b'ebidduka okwegendereza nga bali ku nguudo okwewala obubenje engeri enno oluusi obusobola n'okwewalika.#