Minister w'ebyensimbi n'okuteekerateekera eggwanga, Henry Musasizi, alangiridde amagoba ga bitundu 22.53% ekitongole ky'ekittavu ky'ensimbi z'abakozi ekya National Social Security Fund,  (NSSF), gekigenda okugabira ba member mu mwaka gw'ebyensimbi guno 2025/26.

Ensimbi zino zibalirirwamu trillion 5 n'obuwumbi 440, ngensimbi zino zeeyongeddemu ne trillion 2 n'obuwumbi 640 kwezo ezagabibwa ba member omwaka ogwayita 2024/2025.
‎
‎Minister Musaasizi abadde mu lukungaana lwa ba member olw'omulundi ogwe 14th olwa NSSF Annual Members’ Meeting mu Kampala, mwalangiridde ensimbi ekittavu kyezisobodde okuzaaza, okuva mu July 2025 okutuusa mu nga 30 June 2026.



‎Akulira NSSF, Patrick Ayota, agambye nti baagala okugaziya ekittavu okutuuka ku bantu obukadde 15, ng'omwaka 2035 tegunayita, n'okuweza ensimbi  mu kittavvu trillion 88.


Minister w'ekikula kyabantu, Gen. Henry  Tumukunde, asabye NSSF okwongera okukuuma ensimbi z'abakozi mu kitongole kino, zireme okubulankanyizibwa.
‎
Bisakiddwa: Ddungu Davis