Akola nga minister w’ebyenjigiriza n'emizanyo, Owek. Dr. John Chrysostom Muyingo, atongozza ekizimbe kya myaliro 3, ku ss Makerere University Business School, (MUBS), e Nakawa, nga kyakutuuza abayizi abaaoba mu 2000.


Government etaddemu  obuwumbi bwa shs 5 n’ekitundu okuyambako ebyensoma ku ssetendekero ono.


Minister Muyingo bwabadde atongoza ekizimbe kino agambye nti kigenda kuyambako mu buyiiya, okunonyereza, n’okutumbula obukugu bwabayizi mu ssetendekero olw’atekinolojiya akitereddwamu.


Minister era asabye amatendekero naddala aga waggulu okufaayo okusomesa n’okukozesa enkola za tekinolojiya aliko omuli neya Artificial Intelligence, (AI), emitimbagano, nebirala naddala mu kiseera kino nga government eruubirira okukyusa ebyensoma ebituukana n’omutindo eyatuumibwa, Competency-Based Education and Training (CBET).


Ssenkulu wa Makerere University Business School, (MUBS), Prof. Moses Muhwezi, agambye nti bakukola ekisoboka okutumbula omutindo gwabayizi abafulumizibwa mu ssetendekero ono.


Ssentebe w’olukiiko olufuzi olwa ssetendekero olwa Makerere University Business School Council, Olive Birungi  Lumonya, asanyukidde government olwokukwasizaako, bwatyo naasaba abayizi nabagenda okukozesa ebiteereddwa mu kizimbe okubikwata obulungi naabaliddawo babisange.

Bisakiddwa: Ddungu Davis