Ttiimu y'essaza Gomba yesozze final y'empaka z'amasaza ga Buganda ez'omupiira ogw'ebigere ez'omwaka guno 2026, oluvanyuma lw'okumegga Butambala ku goolo 1-0.

Omupiira guno guzanyiddwa mu kisaawe kya Kibibi SS.

Goolo ewadde Gomba obuwanguzi eteebeddwa Hassan Waisswa mu kitundu ekisooka. 

Gomba yesozze final ku mugatte gwa goolo 3-0.

Oluzannya olwasooka e Kabulasoke Gomba yakuba Butambala goolo 2-0. 

Gomba egenze ku final omulundi gwayo ogwe 11, nga ebadde yasemba okugenda ku final mu 2023 Bulemeezi bwe yagikuba goolo 1-0 e Wankulukuku.

Kati Gomba erindiridde omuwanguzi wakati wa Bugerere ne Kyaggwe abagenda okwambalagana  mu kisaawe e Ntenjeru. 

Oluzannya olwasooka e Mukono, Kyaggwe yakuba Bugerere goolo 1-0. 

Final y'aasaza ejja kubeerawo nga 31 October mu kisaawe e Wankulukuku. 

Bisakiddwa: Isah Kimbugwe