Ekitongole ky'Obwakabaka ekivunaanyizibwa ku ttaka ekya Buganda Land Board kyekiridde empanga mu mpaka z'emizannyo gy'ebitongole by'Obwakabaka bwa Buganda egya 2026.
Emizannyo giyinddidde mu Lubiri lwa Beene e Mengo nga 21 November,2026.
Emizannyo gy'ebitongole by'Obwakabaka gyetabwamu ebitongole by'Obwakabaka byonna, nga bivuganya mu mizannyo egyenjawulo.
Emizannyo gy'omwaka guno mubaddemu omupiira gw'ebigere n'okubaka, okusika omuguwa, okukasuka akazito, omweso, Luddo, okudduka emisinde n'emirala.
Buganda Land Board okuwangula yesinze ebitongole byonna okukunganya obubonero mu mizannyo egyenjawulo egizanyiddwa, nebalangirirwa ku kya Nantameggwa b'omwaka guno nebawebwa omuddaali gwa zaabu (Gold) ate ebirala biweereddwa Silver.
BBS Terefayina yekutte ekifo ekyokubiri mu mizanyo gyonna era baweereddwa omuddali gwa Silver.
Ebitonngole n'abakozi abenjawuli nga bwebawangudde emizannyo:
BLB esiinze mu mupiira gw'abasajja n'okubaka, omweso n'okwepena.
BBS Terefayina yesiinze mu kusika omuguwa, n'omuzannyo gw'okutambuza obupiira nga besiibye ku maaso.
Kibalama Nickolas omukozi mu Buganda Land Board yawangudde omuzannyo gwa Luddo.
Okukasuka akazito mu ba ssenkulu abasajja, kuwanguddwa Omukungu wa K2 Telecom, ate omukungu Josephine Nantege Ssemanda yawangudde mu bakyala ku lwa government ya Kabaka.
Okufubutuuka emisinde ekitongole kya Nabagereka Development Foundation kyekiwangudde
B Katikkiro wa Buganda Charles Peter Mayiga yakwasizza abasiinze emiddaali.
Bwabadde ayogerako eri abakozi abagambye okukozesa omukisa gwona ogubatereddwawo okumanyagana kibayambe okuzuula emikisa emirala gyegiri okwongere okwekulakulanya, okusukka ku mirimu Ssaabasajja gyeyabawa.
Katiikiro agambye nti ekiruubirirwa ky'emizannyo gino, kwongera kunyweza nkolagana mu bakozi ba Kabaka mu mpeereza y'emirimu.
Mu ngeri yeemu Katikkiro abakozi ababuuliridde obutekubagiza, wabula babeere basanyufu nga bakola emirimu.
Minister w'ebyemizanyo n'ebitone mu Bwakabaka bwa Buganda Owek. Ssalongo Robert Sserwanga agamba nti ekigendererwa ky'ebitongole bya Kabaka kukolera wamu mu kuzimba Obwakabaka, n'okutumbula obumu.
Ssenkulu w'eddiiro lya basenkulu Omukungu Loland Ssebuufu yebazizza ebitongole byonna ebyetabye mu enteekateeka enno, neyebaza obwakabaka olwokuvugirira emizannyo zino.
Ssenkulu we kitongole kya Nabagereka Development Foundation Andrew Adrian Mukiibi abateeseteese emizannyo gy'omulundi guno agambye nti musanyufu olwokuba emizanyo gikomekerezeddwa bulungi.
Ekitongole kyobwakabaka ekya Namulondo Investment kyekirondeddwa okuteekateeka emizanyo gy'Obwakabaka egyomwaka ogujja 2027.#
Comments (0)
No comments yet. Be the first to share your thoughts!
Leave a Comment