Abantu 2 bafiiridde mu kabenje akagudde ku Nkulungo ye Kawaala e Nabweru mu Nansana municipality,  abalala 8 nga bali mu mbeera mbi.

Ababiri abafudde kuliko omusaabaze abadde atambulira ku bodaboda n’omugoba waayo.

Alipoota ya police eraze nti emmotoka No.UAQ 539/E Mitsubish Fuso esaabadde pikipiki namba UFS 111, UEP 598K, UFU 872P nga zonna Bajaj Boxer, abalala abantu abakoseddwa babadde batambuza bigere.

Abakoseddwa bonna baddusiddwa mu ddwaliro ekkulu e Mulago okufuna Obujjanjabi, Ssonga n’abagenzi batwaliddwa mu ggwanika ly’eddwaliro e Mulago okwekebejjebwa.

Michael Kananura omwogezi wa police y’ebidduka, ategeezezza nti omuyiggo gwa ddereeva abadde avuga mmotoka Fuso ekoze akabenje gutandise, batandikidde ku kwekennenya camera zokunguudo.

Bisakiddwa: Kato Denis