Ttiimu y'eggwanga ey'omupiira ogw'ebigere eyabazannyi abatasussa myaka 17 egy'obukulu eya Uganda Cubs, eyongedde okusuula obubonero mu mpaka z'ensi yonna eza FIFA U17 World Cup eziyindira mu kibuga Doha ekya Qatar. 

Uganda Cubs mu mupiira gwayo ogw'okubiri mu kibinja B gwezannye ne Ecuador  balemaganye 0-0. 

Omupiira ogwasooka, Uganda Cubs yakubwa South Korea goolo 3-0. 

Mu kibinja kino B oluvanyuma lw'emipiira 2, Uganda ekunganyizaamu akabonero kamu kokka.

Uganda ejja kuggalawo ekibinja ng'ettunka ne New Caledonia nga 25 November,2026, omupiira Uganda gwejja okwetaaga okuwangula bwenabeera yakutangaza emikisa gyayo egy'okuva mu kibinja. 

Ekibinja B South Korea ekikulembedde n'obubonero 06, Ecuador yakubiri n'obubonero 04, Uganda yakusatu nakabonero kamu ate New Caledonia yesembye terinayo kabonero. 

Bisakiddwa: Isah Kimbugwe