Munnamawulire wa CBS FM  Wamala Balunabba alondeddwa ng'omusomi w'amawulire asiinga  okusoma amwulire  mu kitundu kya Buganda mu mwaka guno 2026.

Omuzira Ngabi Wamala Balunabba amawulire agasomera ku mukutu ogwa CBS FM 88.8.


Awangudde enguye y’omusomi w'amawulire ga Radio, asinga mu Buganda ne mu bendobendo lya Kampala nemiriraano mu mwaka guno 2026.


Balunabba Wamala, engule zino, zimuwereddwa ekitongole ekinoonyereza ku mpeereza y'ebyamawulire ekya Market Intelligence Group, mu nnambika yaakyo eyomwaka guno gyekyatuuma Uganda National Media Survey 2026.

Engule zino zibadde ziweebwa abasomi baamawulire mu mabendobendo agenjawulo okuli Busoga, Acholi, Bugisu, Lango, Bukedi, Ankole, Buganda, Greater Kampala, Rwenzori, Kigezi, Karamoja, Bunyoro, Sebei, Teso, Tooro ne West Nile.

Wamala Balunabba, yeebazizza Ssabasajja Kabaka, n'ekibiina kya Nkobazambogo abamuteekateeka obulungi  n’okufuna omukisa okuweereza ku mpewo za CBS.


Yebazizza  abakulembera Radio, n'ekitongole kyamawulire mwaweerereza okumusobozesa okutuuka ku kkula lino.