Ekitongole ekivunaanyizibwa ku bigezo mu Bwakabaka bwa Buganda ki Buganda Examinations Council Kitongozza okugolola ebigezo eby'okwegezaamu eby'emitendera gyonna Okuli P.7, S.4 ne S.6.

Bwabadde atongoza okugolola ebigezo bino ku  Lubiri High mu Lubiri e Mengo, minister wa Buganda ow'ebyenjigiriza n'ebyobulamu owekitiibwa Cotilda Nakate Kikomeko asabye abagenda okubigolola okubeera abeegendereza, nga bafaayo ku buyiiya bw'abayizi.


Ssentebe wa board ya Buganda Examinations Council Muwonge Lawrence asabye abasomesa abagenda okugolola ebibuuzo Okusitula omutindo.

Olulimi oluganda lwe lumu ku bigezo ebitegekebwa Buganda Examinations Council, era ng'abayizi abalukola beyongeddeko, okuva ku 1400 abaalutuula mu 2025, okulinnya ku 1800 abaalukoze mu 2026.

Omuwendo gw'abayizi abatudde ebigezo by'okwegezaamu ebya BECO mu kibiina ekya P.7 nabo beyongedde, okuva ku bayizi 23,500 abaabikola mu 2025, okutuuka ku 24,700.

Abasomesa abagenda okugolola ebigezo bali 95, nga basoose kuyisibwa mu musomo ogukwata ku by'ensoma empya eya Competent based Curriculum, ogubaweereddwa omukugu mu by'enjigiriza Hajara Lwanga.


Akulira Lubiri High School ettabi ery'e Mengo Immaculate Nnampijja asabye abasomesa abeetabye mu nteekateeka eno okugikozesa okusitula obulamu bwabwe.#