Busiro CBS Pewosa Sacco efunye abakulembeze abaggya- Omumbejja Aisha Nakalema ye Ssentebe wa Bboodi omuggya
Avunaanyizibwa ku nkulaakulana yÁbantu ba Beene ku Radio CBS era nga ye Ssentebe wÓlukiiko oluzzaawo Amasiro ge Kasubi Owek Hajj Kaddu Kiberu awadde abantu ba Kabaka amagezi okwenywereza mu bibiina byÓbwegassi, okukola ennyo, okutandikawo emirimu ku nsimbi enneewole nÓkukuuma obwesigwa, olwo omusingi ebibiina byÓbweegassi kwebitambulira guggumire.
Abadde yeetabye ku mukolo bannakibiina ki Busiro CBS Pewosa SACCO kwebakyusirizza Obukulembeze ku Das Berliner Hotel e Bulenga.
Owek Kaddu Kiberu agambye nti enkola yÓkuterera akatono mu bafuna mpola nÓkukuuma Obweesigwa eriko weetadde abeegassi mu Bwakabaka, ekitaddewo enjawulo mu byÉnfuna byÁbantu bÓmutanda.
Owek Kaddu Kiberu agambye nti musanyufu olwÉntekateeka ya CBS PEWOSA obutakoma ku kuyamba bantu kutereka nÓkwewola ensimbi, naabasaba bongereko ebirala ebivaamu ensimbi omuli nÓkusitula ebitone byÁbavubuka.
Ssenkulu wa Radio CBS Omuk Michael Kawooya Mwebe, agambye nti ekiruubirirwa kyÓkugya Abantu ba Kabaka kyongedde okuvaamu ebibala, neyeebaza ba memba ba Boodi ya Busiro CBS pewosa SACCO ababadde bakulemberwa Omuk Joseph Magala Nyago Ssentebe awummudde , Owek Kaddu Kiberu nÓmugenzi Owek Herbert Hubert Kibuuka abaakola ennyo okusitula embeera zÁbantu.
Ssentebe omuggya owa Boodi ya Busiro CBS Pewosa SACCO Omumbejja Aisha Nakalema Kabejja, yeeyamye okuweereza nÓbwerufu, neyeebaza okulambikibwa kwazze afuna okuva mu ntandikwa ya SACCO eno.
Ssentebe wa Board omuwumuze omuk. Joseph Magala Nyago yeyanzizza Beene olwÓmukwano gwalina eri abantube nÓkubaagaliza enkulaakulana eya nnamaddala.
Omwaami wa Kabaka amukulembererako essaza Busiro Ssebwaana Charles Kiberu Kisiriiza agambye nti Radio ya Beene CBS etadde ettoffaali ddene ku nkulaakulana yÁbantu , naagisaba obutaddiriza.
Bisakiddwa: Kato Denis
Busiro SACCO etongozza akazannyo akatuumiddwa “Tereka, siga nga bw’owangula” -2024
Busiro CBS PEWOSA SACCO etongozza akazannyo akatuumiddwa “Tereka, siga nga bw’owangula” n’ekigendererwa eky’okwongera okwagazisa ba mmemba okutereka.
Ba memba abakize ku banaabwe okutereka beewangulira ebirabo okuli; Piki piki, Fridge, Woofer, TV n’ebirala.
Akazannyo kano kakutambuzibwa mu matabi ga Cbs Pewosa Busiro Sacco gonna, okuli Kyengera, Katabi ne Buloba.
Omuwanguzi anaasiinga wakwewangulira ekyapa ky’ettaka.#
BUSIRO SACCO AGM 2021
Ttabamiruka wa Busiro CBS PEWOSA Sacco 2021 akomekkerezeddwa noobubaka eri bamembea mu Sacco eno okukuuma ettaka lyabwe nga bayita mu nkola eyokunyweza Obumu n’obwegassi nga balikolerako ebintu ebibakulakulanya.
Obubaka buno bubaweereddwa minister mu Bwakabaka avunanyizibwa ku Ttaka ,Obulimi ne bulungibwansi Owek Mariam Mayanja Nkalubo bwabadde omugenyi omukulu mu ttabamiruka wa Busiro CBS Sacco owookubiri.
Omukolo guyindidde Kyengera.
Owek Mariam agamba nti mu nkola eno eyobwegassi abamemba basanye okutandiikawo Pulojekiti ezenjawulo, nga bazikolera ku ttaka okusobola okulikuuma nookwekulakulanya.
Mungeri yemu Oweek asabye bannakibiina ki Busiro CBD PEWOSA Sacco okunywerera ku misingi ejiyimirizaawo Sacco,era bamanye nti bulyomu alina obuvunanyizibwa kukuyimirizzawo Busiro Sacco, baleme kulowoza nti ya Bakulembeze bokka.
Ssentebbe wa Busiro Omukungu Joseph Magalanyago ategezeza nti wadenga waliwo okusoomozebwa kwa Covid 19, basobodde okuyimirizawo Busiro Saco era nga balina binji byebatuseeko.
Mulimu enkola eya Mobile Sacco egendereddwamu okwanguyiza ba memba okutereka nokumanya ebikwata ku Account zabwe era asabye ba Memba okugyetanira .
Ssenkulu wa Busiro CBS PEWOSA Ssaco Maureen Nanyanzi ategezezza nti omwaka 2022 bagala okwongera amaanyi mu kubangula abantu ba Ssabasajja Kabaka mu Ssaza Busiro ku ngeri yokwekulakulanyamu.
Asabye ba Memba okwongera amanyi mukutereka nookwewola okusobozesa Sacco okukola amagoba.
Busiro CBS PEWOSA Sacco yatandika mu mwaka 2019 n’ekigendererwa ekyo kukulakulanya abantu ba Ssabasajja Kabaka okuyita mu kwewola nookuteereka bekulakulanye.
Werutuukidde olwaleero Busiro CBS Ssacco erina ebibiina 228, yatandiika ne bibina 159 ,ba memba ssekinomu bali 636 yatandiika na 357.
Bisakiddwa: Nakato Janefer
